Пит Буљон

Се родил во Америка како Петре. Родителите, доселеници таму, биле пресреќни што чедото им е умно на тато и убаво на мама. Во училиште секогаш прв. Еден ден, додека соучениците му занесено цртаа цвеќенца, Пит почна да им разјаснува за улогата на пчелите во цветањето. Учителот го прати кај директорот и Пит, прв пат, последен излезе од училиштето. На пат кон дома го пресретнаа тројца бабачковци, го одвлекоа во густежот парковски и најмалку три пати му покажаа каде мажите расцветуваат. Со каубојски од, тргна кон родителите но стигна во филмскиот град. Кариерата му ја загарантира познат режисер, мајстор за сцени со јавање. Еднаш, при посета на ранч, веќе славниот Пит Буљон посака да проба јавање со вистински коњ. Велат, соѕвездието Пегаз е последното што го видел пред да му испрснат очите.