Европа 2032

Говорејќи за извештајот од Европската комисија, вицепремиерката Габриела Коневска Трајковска, потсети дека (парафразирам) за исполнување на условите за влез во ЕУ потребно е со консензус, како за Законот за полиција, државава да донесе уште 311 закони. Е супер, сега барем можеме да си пресметаме кога ќе нè примат во таа ЕУ. Ако знаеме дека Законот за полиција се тегавеше на 30 и кусур дневна расправа, лесно е да пресметаме дека, отприлика ќе ни требаат 311 месеци (26 години) за да биде сè по мерка на Европската комисија. Значи 2006+26=2032! Европо чекај нè, итаме кон тебе, ако тогаш сè уште постоиш! 

(Објавено на 10.11.2006)