Крлеж, пијавица, напљувка, што вели народот. Ако ти се закачи - крај, ќе пожалиш стопати што си го сретнал, а не е чудо да се покаеш и што си се родил во негово време. Ти збор - он десет. На сé става капак, неговата е последна. Ако се заинаетиш нешто - ќе те гуши дур не попуштиш, само за да се откачиш од него. А и тоа е привид, оти тој те откачува ко ќе му здосади, а ти мисли си поинаку. Падна болен и легна во кревет - болнички. И се запијавичил на сестрата, толку ја замајал, што кутрата заборавила да му ја запре инфузијата. Му влегол воздух и Доде Богу душа даде. Се зборува дека му додеал и на Бога, па овој му дал нога. Сега, божем, Доде шетал по светов и пукал од мака што никој ниту го гледа, а уште помалку слуша.
No comments:
Post a Comment