Славете Го!

На денешниот поздрав „Христос се роди“ неправилно е да се отпоздравува со „навистина се роди“, оти тоа можеле да го кажат само тие што виделе лично.

Правилниот отпоздрав на „Христос се роди“ е „Славете Го!“. 

„Славете го“ потврдува дека знаете за Исус и сакате да го славите Неговото име. А ова „навистина се роди“ звучи како да сте акушерка која на родителите им кажува дека ете им се …родило дете.

Значи за Божиќ се поздравува „Христос се роди“ а се отпоздравува со „Славете Го!“ 

За Велигден се поздравува со „Христос воскресна“ или „Христос воскресе“ а се отпоздравува со „Вистина воскресна“ или „Вистина воскресе“ затоа што тука веќе не сме го виделе чинот, па ни никој друг, туку искажуваме верба во воскреснувањето.

(Објавено на 07.01.2010)

Коментари:

on 07/01/2010 at 11:32 rus Said: Среќен Божик и Славете го!

on 07/01/2010 at 12:52 gocajaska Said: … хе,хе … … ВАИСТИНА СЕ РОДИ … … гушкаааааааа …